ХОЁР УДАА МАГАДЛАН ИТГЭМЖЛЭГДСЭН
УЛААНБААТАР ДЭЭД СУРГУУЛЬ

БНСУ-ын хөрөнгө оруулалттай Улаанбаатар дээд сургууль 1993 онд байгуулагдсан 1999, 2005 онд хоёр удаа магадлан итгэмжлэгдсэн.
Тус сургууль нь 4 салбар, мэргэжлийн 10 тэнхимтэй. Манай сургуулийн 6000 гаруй суудал бүхий хичээлийн 6 байранд сургалт судлагааны ажилд зориулсан Солонгос судлал, Монгол судлал, Гэр бүл судлал, Бизнес судалгааны төвүүд гадаад хэлний болон компьютер сургалтын тус бүр 30-40 компьютер бүхий 14 кабинет, хими, физиологи, морфологи, микробиологи, электорникийн лаборатори, Зайны сургалтын болон Интернет төв ажиллаж байна. Мөн номын сангийн уншлагын танхим, соёлын төв, биеийн тамирын их бага заал, 200 оюутны дотуур байр, 400 оюутны суудалтай оюутны цайны газар ажилладаг бөгөөд багш, ажилтан,ажилчдад зориулсан амрах өрөөтэй.   
Улаанбаатар дээд сургуульд 26 гаруй мэргэжлээр 2600 гаруй оюутан, 120 магистрант суралцаж, тэдэнд 104 багш, эрдэмтэд хичээл зааж байна. Багш нарын 23 хувь нь эрдмийн зэрэг, цолтой. УБДС-д БНСУ, АНУ, Канад, Гонгконгоос 20 гаруй профессор багш нар ажиллаж байна.
Сургуулийн онцлог, давуу тал нь:
-Гадаадын хөрөнгө оруулалттай байгуулагдсан дээд боловсролын анхны байгууллага /хувийн дээд сургууль/.
-Суралцах хугацаанд болон сургуулиа төгсөөд гадаадын их, дээд сургуульд суралцахаар явсан оюутны тоо, хувь, үзүүлэлтээр бусад их, дээд сургуулиудаас хамгийн өндөр.
-Сургалтын орчин, материаллаг баазыг олон улсын орчин үеийн сургалтын жишгээр тохижуулсан.
-Оюутанд үзүүлэх мэргэжлийн болон нийгмийн үйлчилгээтэй.
-Архи, тамхигүй орчин, соёлч боловсон ёс суртахууныг эрхэмлэдэг.
-Монгол-Солонгос хоёр орны харилцааны гүүр болсон байгууллага.
-Төрийн сангийн зээл, тусламжаар нийт суралцагчдын 20-25%, үүнээс  гадна жилдээ 400 гаруй оюутан гадаад, дотоодын тэтгэлэгт хөтөлбөрт хамрагддаг. Тухайлбал удирдах зөвлөлийн нэрэмжит, захирлын нэрэмжит, Хунгуан, Намянжү төвийн, сургалтын, спорт урлагийн, цагийн ажлын гэх мэт 14 тэтгэлэгт хөтөлбөртэй.    
-Спортоор тэргүүлэгч сургууль /сагсан бөмбөг, хөл бөмбөг, волейбол, ширээний теннис, таеквендо…/
-Гадаад харилцааны хүрээнд БНХАУ, БНСУ-ын 30 гаруй их, дээд сургуультай хамтын ажиллагааны гэрээтэй ажиллаж багш, оюутан солилцооны өргөн хүрээтэй хөтөлбөр хэрэгжүүлдэг. Тухайлбал БНСУ-ын Сөүл эмэгтэйчүүдийн их сургууль, Сүншил их сургууль, И Ва эмэгтэйчүүдийн их сургууль, Жонжү их сургууль, Ионсей их сургууль, Чонбүг их сургууль, Кёнги их сургууль, Ханнам их сургууль, Нисэхийн их сургууль, Сөүл их сургууль, Инчоны их сургууль, Инха их сургууль, Санмён их сургууль, Ханлим их сургууль, Кёнхи сайбор зэрэг их сургуулиудад нийт 200 гаруй оюутан суралцдаг. Мөн жилдээ 30 гаруй оюутан  хэлний курст болон солилцоонд тогтмол хамрагдаж байна.   

Улаанбаатар дээд сургуульд 2010 онд оюутан элсүүлэх журам

Нэг. Ерөнхий зүйл

            1.1. Улаанбаатар дээд сургуульд 2010-2011 оны хичээлийн жилд оюутан элсүүлэх ажлыг БСШУЯ-наас батлагдсан “Оюутан элсүүлэх үлгэрчилсэн журам” болон энэхүү журмыг баримтлан зохион байгуулна.

            1.2. Элсэлтийн ажлыг УБДС-ийн захирлын тушаалаар батлагдсан комисс зохион байгуулна.

            1.3.  Элсэлтийн комиссын гишүүдийн ажил, үүргийн хуваарилалт, элсэлтийн үед баримтлах журам, элсэгчдийн өргөдөл, хүсэлтийг барагдуулах, элсэлтийн явцад хяналт тавих зэрэг үйл ажиллагааг ил тод, олон нийтийн хяналтан дор явуулна.

Хоёр. Элсэгчдэд тавих нийтлэг шаардлага
           
2.1. УБДС-д элсэх хүсэлтэй иргэд нь Боловсролын үнэлгээний төвөөс зохион байгуулсан Ерөнхий шалгалтыг дараах мэргэжлийн чиглэлээр өгсөн байна.

2010 онд оюутан элсүүлэх мэргэжлийн чиглэл

2.2. Элсэгч нь бүрэн дунд түүнээс дээш боловсролтой байна.
2.3. Урьд нь аль нэг их, дээд сургууль төгсөж боловсрол эзэмшсэн хүнийг бакалаврын түвшингийн сургалтад ямар нэгэн сонгон шалгаруулалтгүйгээр элсүүлнэ.
2.4. Гадаадын иргэдийн элсэх асуудлыг тусад нь шийдвэрлэх ба төлбөрийн хэмжээг тусгай нөхцөлөөр тогтооно.
2.5. Тухайн онд улсын олимпиадад эхний 3 байранд шалгарсан бол суурь шалгалтын харгалзах мэргэжлээр, мөн улсын хэмжээний уралдаан, тэмцээнд эхний байр эзээлсэн спортын зэрэгтэй төгсөгч сонирхсон мэргэжлээрээ технологи, график дизайн чиглэлээр улсын уралдаанд шагналт байр эзэлсэн сурагч тэр мэргэжлээрээ элсэхийг хүсвэл Ерөнхий шалгалтын батламжийг үндэслэн онооны дараалал харгалзахгүй элсүүлнэ.
2.6  Анагаахын мэргэжлээр элсэгчид нь ерөнхий шалгалтын суурь хичээлээр 550-аас дээш оноо авсан байх шаардлагатай.

Гурав. Оюутан элсүүлэх шалгаруулалт

3.1. УБДС-ийн элсэлтийн комисс нь Ерөнхий шалгалт өгч, дээд сургуульд элсэх болзол хангасан хүмүүсийн өргөдөл, материалыг хүлээн авна.
3.2. Өргөдөл, материал өгч бүртгүүлсэн элсэгчийн нийт оноог гаргахдаа ерөнхий боловсролын сургуулийн боловсролын үнэмлэхийн дундаж дүн ба ерөнхий шалгалтын оноо  хоёрын нийлбэрээр гаргана. Нийлбэр онооны хамгийн өндөрөөс бууруулж, дарааллын дагуу нэгдсэн жагсаалт хийж, тухайн жилд сургуулийн захиргаанаас тогтоосон хяналтын тоонд багтсан хүмүүст элсэх эрх олгоно.
3.3. Элсэх эрх авсан хүн тухайн оны 7 дугаар сарын гуравдугаар долоо хоногт багтаан эхний хичээлийн жилийн төлбөрийг төлж БСШУЯ-ны болон сургуулийн эрхийн бичиг авсан тохиолдолд түүнтэй “Суралцуулах, суралцах тухай гэрээ”-г байгуулна.

Элсэгчдийг бүртгэх
УБДС-д элсэгч нь тус сургуулийн Элсэлтийн комисст биеэр ирж бүртгүүлнэ. Бүртгүүлэхдээ дараахь материалыг бүрдүүлсэн байх шаардлагатай.

• Иргэний үнэмлэхийн хуулбар.
• Бүрэн дунд боловсролын үнэмлэх, түүнтэй адилтгах бичиг баримт
• Хувийн хэрэг
• Ерөнхий шалгалтын батламж
• Элсэхийг хүссэн өргөдөл
• Хөнгөлөлттэй элсэхийг баталгаажуулсан баримт бичиг
• 3х4 хэмжээний цээж зураг 2%
• Бүртгэлийн хураамж төлсөн баримт бичиг (5000 төгрөг)

УБДС-ийн 2010-2011 хичээлийн жилийн 1-р курсын Оюутны сургалтын төлбөр

Бүртгэх хугацаа: 2010 оны 6 дугаар сарын 28-ны өдрөөс 7 дугаар сарын
9-ний хооронд  өөрийн биеэр ирж бүртгүүлнэ.
Хаяг:  Баянзүрх дүүрэг  6-р хороо 13-р хороолол      Намянжүгийн гудамж-Улаанбаатар-210644, Ш/х-658
Холбоо барих  утас: 462026, 462027, 91165852, 99234177, 91143828
Факс: 462040        Вэб сайт: www.ulaanbaatar.edu.mn

 БуцахДээш