Ерөнхий захирлын мэндчилгээ

Олон улсын Улаанбаатарын их сургууль нь 1995 оны 4-р сард итгэл, найдвар, хайр гэсэн эрхэм зорилготой үйл ажиллагаагаа эхэлж 20 жилийн хугацаанд чадварлаг багшлах хүчин, сургалт судалгааны байгууламж бүхий Их Сургууль болтлоо хөгжжээ.Энэ нь Монголын Засгийн газрын идэвхтэй дэмжлэг, үүсгэн байгуулагчдын тэргүүн И Хын Сүнь болон хөрөнгө оруулагчид, өмнөх ерөнхий захирлуудын хичээл зүтгэл, удирдах чадвар, багш, ажилтан ажилчид та бүхний уйгагүй хөдөлмөрийн үр шим юм.Одоо “сайн сургууль”-аас (good school) нэг алхам цаашилж, “шилдэг сургууль” (best school) болохын тулд дараах зорилтуудыг өмнөө тавин ажиллаж байна.

1. Сургуулийн эрхэм зорилго итгэл, найдвар, хайрыг хэрэгжүүлнэ Хүний амьдралын амжилт бүхэн итгэлцэл дээр суурилдаг. Тиймээс бид оюутнууддаа хүмүүнлэг, ёс зүйн боловсрол олгож, ямар ч зовлон бэрхшээлийг даван туулж чадах хүсэл мөрөөдөлтэй, бусдыг хайрлаж халамжлах сэтгэлтэй, итгэл хүлээсэн зөв иргэн бэлтгэх зорилго тавин ажиллаж байна.

2. Орон нутагтайгаа хамтран ажилладаг сургууль байна Тус сургууль нь орон нутгийн хөгжилд хувь нэмэр оруулахын тулд харьяа орон нутгийн иргэдийн хүүхдийн боловсролыг дэмжих, соёл урлагийн тоглолт, үнэ төлбөргүй үзлэг хийх, амьдралын боломж муутай өрхөд буцалтгүй тусламж үзүүлэх зэрэг нийгэм рүү хандсан олон төрлийн хөтөлбөрийг байнга санаачлан явуулдаг. Түүнчлэн оюутнууддаа бусдад сайн дураараа тусалдаг хувь хүн байх ухамсрыг суулгах тал дээр онцгойлон ажиллана.

3. Даяаршлыг манлайлах их сургууль болно Тус сургууль нь даяаршлын эрин үед нийгмийн салбар бүрт Монголын ирээдүйг хошуучлан авч явах боловсон хүчнийг бэлтгэн гаргахын тулд бүтээлч сэтгэлгээ, гадаад хэлний мэдлэг олгох сургалтыг явуулж байна. Үүний тулд АНУ, ОХУ, БНСУ зэрэг улсын 60 гаруй их дээд сургуулиудтай хамтын ажиллагааны гэрээ байгуулж сургалт судалгааны, оюутан солилцоо, багш ажилтны мэргэжил дээшлүүлэх зэрэг хамтын үйл ажиллагааг явуулна.ОУУБ Их Сургууль нь оюутнуудын мэдлэг чадварыг бүх талаар нээн хөгжүүлж, Монгол улс болон олон улсын нийгмийн хөгжилд өөрийгөө зориулахад нь туслах сургалт судалгааны орчинг бүрдүүлэх, мөн оюутан багш ажилтан ажилчдын нийгмийн халамжийг сайжруулах, багш нарын судалгааны чадварыг дээшлүүлэх зэргээр Монгол улсын хөгжилд хувь нэмэр оруулсан их Сургууль болно.

Олон улсын Улаанбаатарын их сургуулийн ерөнхий захирал У ДОГ ГЮ